Vitae impulsa a transformación das empresas cun curso sobre mercadotecnia dixital
martes, 1 de outubro do 2019
Vitae
Consultores vai achegarnos este outono formación específica sobre
como promover a nosa empresa e os nosos produtos a través dos
servizos tecnolóxicos: redes sociais, páxinas web, blogs,
comunidades, medios de comunicación online e demais vieiros
propicios para o que se coñece como nova mercadotecnia. Estamos a
falar do Curso
Marketing Dixital: da venda tradicional ao eCommerce, que se
presenta como unha ocasión inmellorábel para adiantarnos a un
proceso para o que, de xeito inevitábel, imos ter que estar
preparadas/os cos máis avanzados recursos (o proceso de evolución
dende as metodoloxías comerciais previas a Internet cara a un mundo
onde a Rede estará integrada ao cen por cen na nosa vida). O curso,
de dez horas, celébrase os días 25 e 26 de outubro na Coruña.
Trátase,
como dixemos, dunha actividade con coñecemento útil para afrontar
transformacións, retos e cambios que nos atinxen a todas e todos.
Segundo conta Vitae, “as relacións e reaccións do mundo online
non teñen nada que ver coas do eido offline, polo que
traspasar dinámicas deste escenario ao escenario dixital dista moito
de ser unha fórmula axeitada”. Trátase de dous intres moi
distintos, polo que entendermos o consumidor online, os seus
impulsos de compra e as súas compras por sinerxía son claves para
aplicar todo o coñecemento de produto a unha mellora de resultados.
“Aproximarnos a este consumidor, á súa mente e ás súas
necesidades son claves para mellorar a nosa venda en liña”,
explica Vitae, engadindo que os obxectivos do curso son os que
citamos de seguido:
·
Entender as diferenzas entre a tenda tradicional e a tenda dixital.
·
Comprender as claves que poden axudar na venda online.
·
Aprender estratexias para organizar accións de venda en liña.
·
Adaptalas ao noso propio negocio ou sector.
A
encargada de impartir os contidos será Verónica Ramallal Trevín,
licenciada en Comunicación Audiovisual e Mestrado na Escola de
Medios pola UDC e La Voz de Galicia. No seu currículo atesoura máis
de 12 anos de experiencia profesional no sector da comunicación
especializándose na mercadotecnia dixital e as redes sociais. A día
de hoxe está á fronte de varias empresas adicadas en exclusiva ao
marketing en liña e as iniciativas de mercado 2.0.