Vitae convértenos en expertos en probas de aplicacións botando man de Cypress
mércores, 23 de xuño do 2021
Vitae
Consultores, a través da súa aula virtual, ofrece este verán
acabado de chegar (os dÃas 6, 8, 13 e 15 de xullo) o Curso
Testing e2e avanzado con Cypress, de doce horas de formación.
Trátase dunha actividade formativa que nos pon ao alcance da man
importantes mecanismos para axilizar as nosas tarefas de
desenvolvemento TIC.
Segundo
informa a consultora galega, trátase dun curso completo para
automatizar unha parte fundamental do noso traballo: as probas de
aplicacións web. En palabras de Vitae, é nese punto onde comeza a
garantÃa de calidade dun proxecto.
O
curso pon o foco en Cypress, un recurso do que podemos botar man para
definir e executar os tests de maneira cómoda e sinxela.
Os
obxectivos desta actividade formativa son configurar e executar
probas con Cypress, simular interaccións de usuario complexas,
traballar con servizos de datos remotos e integrar ferramentas.
O
curso sobre testing avanzado con Cypress está dirixido
principalmente a programadores de aplicacións web con experiencia. É
válido para Angular, ASP.net, Java, PHP, React ou Vue, entre outros
recursos. Impartirase en modalidade de aula virtual con clases en
directo.
O
formador será Alberto Basalo, enxeñeiro técnico en Informática
con dúas décadas de experiencia como analista programador, xefe de
proxectos e formador en pequenas e grandes empresas. Basalo é, a dÃa
de hoxe, socio director de AgoraBinaria e consultor asociado a Vitae
Consultores.