Un novo libro anima a coller as rendas da intelixencia artificial

Lasse Rouhiainen, formador, consultor e autor de libros como Inteligencia artificial para los negocios (Anaya Multimedia, 2021) e Inteligencia artificial: 101 cosas que debes saber hoy sobre nuestro futuro (Alienta Editorial, 2018), deixando clara a súa experiencia no sector da IA, estrea o vindeiro día 28 da man de Alienta Editorial a súa nova obra, Domina la inteligencia artificial antes de que ella te domine a ti, a través da que achega estratexias para que os lectores poidan impulsar as súas carreiras e mellorar a súa vida coa axuda da IA.
Rouhiainen quere ilustrar sobre o fenómeno da IA, que xa é un recurso cotián para boa parte da poboación, pero que hai que ir aprendendo a diario por estares en constante actualización. Entre os temas que aborda neste libro, que conta con páxina web de seu, figuran a invisibilidade da IA, o rol dos axentes de IA, os robots humanoides ou o impacto da IA na saúde e na educación. Todas reflexións que chegan nun momento no que a emerxencia deste fenómeno está a provocar vertixe, de aí que sexa interesante descubrir pautas que poida axudar a posicionarse ante este vento de cambio.