UAMP, un amplificador portátil que trunfa en Kickstarter

Nos últimos anos a xente perdeu o pudor de saír á rúa con auriculares de grande tamaño, para poder gozar dunha excelente calidade sonora en mobilidade, pero normalmente os reprodutores de MP3 e os smartphones non achegan a potencia suficiente para poder escoitar co volume debido os nosos temas musicais preferidos, e para solucionalo chega a Kickstarter o UAMP, un pequeno amplificador portátil que xa completou o seu financiamento (de xeito que os seus mecenas poderán recibir as súas unidades no verán).
O UAMP sería unha pequena caixiña (mire 43 x 43 x 9 milímetros e pesa 26 gramos) que conectamos á saída de auriculares do noso dispositivo reprodutor, e ás que tamén conectariamos os nosos auriculares preferidos, de xeito que colle o son recibido e incrementa a súa potencia coa menor distorsión posible, conseguindo así unha grande calidade sonora. Para poder funcionar conta cunha batería interna que se recarga por USB e que achega unha autonomía de até 10 horas.
Estamos ante un accesorio que resulta de grande utilidade para os usuarios que escoitan música en ambientes ruidosos, como medios de transporte público, e ten unha potencial 5 veces superior ao amplificador dun iPhone, o que permite tirar un maior proveito aos caros auriculares que tan de moda están ultimamente. Concretamente os responsables deste proxecto aseguran que o amplificador multiplica até por 2,5 o volume do noso dispositivo.
Este amplificador portátil tamén inclúe varias preconfiguracións de ecualización para adaptarse aos gustos dos usuarios. O prezo ao que pode adquirirse actualmente en Kickstarter sería de 65 dólares australianos (56,43 euros incluíndo os gastos de envío).