The Witcher 2 chegará en maio cunha impresionante edicion para coleccionistas
mércores, 17 de novembro do 2010
Os seareiros dos xogos de rol para PC estarán encantados de coñecer que The Witcher 2: Assassins of Kings do estudo polaco CD Projekt RED, xa ten data de lanzamento, fixada para o vindeiro 17 de maio, prometendo dar máis detalles sobre este prometedor tÃtulo durante esta semana nun evento chamado CD Projekt Conference. Pero o que xa sabemos agora é que este tÃtulo terá unha edición para coleccionistas realmente espectacular, que incluirá un DVD cun documental sobre a creación do xogo, a banda sonora oficial, un mapa do mundo de The Witcher, un libro de arte, uns dados, moedas, 3 adhesivos, un xogo de cartas, un libro de regras, recortables de 2 personaxes do xogo, contido descargable exclusivo e incluso unha escultura de Geralt, de aà que o prezo ascenda a 129,99 dólares, polo que só parece apto para incondicionais desta saga de xogos.