Tekken 6 chegará a Europa no outono de 2009

Durante o Tokyo Game Show se confirmou que Tekken 6 non sería un xogo exclusivo para PlayStation 3, senón que tamén tería versión para Xbox 360, e agora a Namco Bandai anuncia que o xogo chegará a Europa no outono de 2009, continuando así unha franquicia de xogos de loita tridimensionais que xa leva 14 anos dando guerra.
Tekken 6 está a ser un xogo moi agardado, pois sería o primeiro Tekken na nova xeración de consolas, xa que a súa última entrega saíu para PlayStation 2 en 2005, aínda que en 2006 tamén saíu o Tekken 5: Dark Resurrection que deberiamos considerar aparte, por venderse para PSP e como contido descargable para a PS3 (ou sexa, xogando noutra división).

Polo pouco que se pode ver do futuro xogo sabemos que os gráficos van ser realmente espectaculares, superando sobradamente a outros xogos de loita para PS3 e Xbox 360, aínda que haberá que ver se será capaz de superar ao tamén moi agardado Street Fighter IV, que chegará a primeiros de 2009, pero que terá un sistema de xogo moi diferente (respectando o sistema de manexo dos xogos 2D, mentres que os Tekken sempre foron 3D).