Teclado para uso hospitalario
mércores, 15 de abril do 2009
A empresa de
Idaho (EE.UU.) Esterline Advanced Input Systems está a comercializar un teclado informático destinado
ao uso hospitalario que destaca por presentar unha aparencia tridimensional
pese a ser plano, o que facilita a súa rápida limpeza (é resistente a
desinfectantes) e mesmo inclúe unha alerta que avisa ao usuario para que limpe
o teclado con certa frecuencia.
O teclado permite unha introdución de datos tan veloz coma nun teclado
convencional, conta con teclas retroiluminadas para poder funcionar en
contornos pouco iluminados. Sen dúbida, un interesante accesorio pensado
para evitar a acumulación de bacterias e o seu espallamento nas mans dos seus
usuarios.