Taboola merca Outbrain para conseguir un maior peso no mercado publicitario en liña
venres, 4 de outubro do 2019
Nos
últimos anos numerosos medios en liña incorporaron ao pé das súas novas un
bloque de titulares e miniaturas con aparencia de ser parte da súa propia
páxina web, pero que realmente son cebos con titulares escandalosos que buscan
simplemente captar a atención do lector e provocar que faga clic sobre a
información xerando asà un impacto que xera un retorno económico, ou sexa, que
estamos ante o que podemos considerar como publicidade disfrazada de
información, o que resulta un negocio bastante rendible pese a que moitos o
consideren reprobable (chegando
a consideralo lixo).
- Yaron Galay (Outbrain) e Adam Singolda (Taboola)
Os principais provedores do que chaman publicidade nativa son Outbrain e
Taboola (plataformas moi empregadas pola prensa española), e dado as
similitudes de ambos negocios parece natural o anuncio da
súa fusión, asegurando que ao combinar ambas empresas poden competir no
mercado publicitario con xigantes como Facebook e Google.
O novo conglomerado chega a preto de 2.000 millóns de persoas cada mes, e
pasará a ser controlado por Adam Singolda, fundador e director xeral de Taboola,
que será a marca que se empregue como referencia. O cadro de dirección da
fusión de ambas empresas estará formado polos directivos das dúas compañÃas,
aÃnda que a fusión das mesmas non será de vez, senón que desenvolverase durante
12 meses dende o peche da operación. Os accionistas de Outbrain recibirán un
30% das participacións da compañÃa resultante, xunto a 250 millóns de dólares
en efectivo.
- Os fundadores de Taboola e Outbrain escenificando a fusión das compañÃas