TV Hear: altofalantes sen fíos para poder pór o volume da televisión ó noso xeito

xoves, 5 de outubro do 2006 Marcus Fernández

O volume do televisor pode ser un elemento discordante en calquera domicilio, de xeito que atopar o nivel axeitado pode resultar complicado por mor das distintas distancias e capacidades auditivas das persoas que están vendo a televisión, para o que agora venden altofalantes sen fíos que permiten a súa colocación ata a 10 metros de distancia do televisor e que teñen un volume axustable de xeito que os que precisen dun nivel de volume elevado poderán escoitar mellor a televisión sen molestar ó resto das persoas que haxa ó seu redor e sen ter que empregar molestos auriculares.
Os altofalantes TV Hear funcionan tanto a pilas coma conectados á corrente eléctrica e transmiten o sinal na frecuencia dos 900 MHz (o que evita as interferencias que hai noutras bandas que actualmente se atopan bastante saturadas) e véndense a 75 dólares a través da Internet.

PUBLICIDADE