TCL comercializa unha webcam para televisores con Google TV
mércores, 18 de agosto do 2021
Nos últimos meses temos comentado como o
Fire TV Cube permite unirse a xuntanza de Zoom dende o televisor valéndose
dunha webcam compatible, ao igual que tamén permite o Portal
TV de Facebook, e precisamente o feito de que Google TV (ou Android TV) se
abrise ao uso de webcams levou a que o fabricante TCL decidise comercializar a súa
propia webcam USB, que nos EE.UU. venden a un prezo de 79,99 dólares, pensando
na súa instalación en televisores da marca co sistema operativo de Google, que
deste xeito poden aproveitarse para realizar videoconferencias a través de
aplicacións como Google Duo.
Esta webcam ten resolución Full HD cun ángulo de visión de 70 graos, integra varios
micrófonos con redución de ruÃdo, o seu formato facilita a súa instalación en
televisores de practicamente calquera tamaño e, para evitar suspicacias,
incluso ten unha cuberta para tapala cando non estea en uso.
- O uso da webcam de TCL facilita a realización de videoconferencias con Google Duo dende o televisor