Swatch presenta un reloxo para monitorizar a práctica do voleibol de praia

venres, 27 de febreiro do 2015 Marcus Fernández

Nos últimos meses non paran de chegar ao mercado distintos tipos de smartwatch e smartband, tentando cada accesorio conquistar a un tipo de usuario, e dende Swatch sorprenden fiando tan fino que presentan un reloxo con monitorización de actividade dirixido especificamente á práctica do voleibol de praia.
O Swatch Touch Zero One toma como base o reloxo Swatch Touch e engádelle funcionalidades atractivas para os xogadores de volei, de xeito que a parte da súa pantalla táctil curva e retroiluminada que pode controlarse mediante toques e xestos co dedo para acceder a distintas funcións. Tamén conta con contador de pasos, de aplausos e de impactos (distinguindo os ofensivos dos defensivos, así como a súa intensidade), calcula a distancia percorrida e as calorías queimadas, e comunícase con smartphones con iOS ou Android que conten coa aplicación oficial de balde de Touch Zero One.
Entre as grandes vantaxes do novo reloxo deportivo de Swatch está a súa autonomía, que en vez de ser de un ou dous días como algúns smartwatches sería de varios meses (emprega unha batería estándar de Swatch). Ao estarmos ante un accesorio para a práctica deportiva na praia, loxicamente é resistente á auga.

O principal uso do novo Swatch Touch Zero One sería a cuantificación da práctica do volei praia


Vídeo promocional do Swatch Touch Zero One

PUBLICIDADE