Soul Calibur IV permitirá editar os personaxes do xogo

Dous loitadores personalizados enfrontándose en Soul Calibur IV

Soul Calibur IV non quere destacar só por incorporar a personaxes de Star Wars nesta nova entrega, senón que tamén busca engadir características que agradezan os seus seguidores máis fieis, e aparte do feito de que as roupas e armaduras dos personaxes poidan sufrir danos, agora sorprenden coa posibilidade de personalizar a aparencia dos personaxes dun xeito inédito nesta popular saga de loita.
Dende Kotaku presentan unha galería de modificación un tanto ridículas coas que poderiamos manexar a unha rapaza vestida de vaqueira, a un samurai negro co pelo ao afro, unha moza disfrazada en plan pirata, roupa cun certo aquel a Naruto, guerreiras con orellas de gato, samurais con cornos, e moitas outras variantes que engadirán diversidade ao xogo que debería chegar ás tendas o 31 de xulo.

No Xapón apostan polos personaxes de Star Wars para promocionar o novo xogo de loita

No Xapón tamén lanzan Soul Calibur IV o 31 de xullo a un prezo de venda de 7.800 iens (uns 46,8 euros) e para resultar máis rechamante nas súas portadas para PS3 e Xbox 360 presenta aos personaxes de Darth Vader e Ioda respectivamente (enfrontándose a outros personaxes tradicionais da saga, coma Mitsurigi e Ivy).
Esta aposta promocional se está a ver mal por parte de certos xogadores que pensan que os novos personaxes poderían desvirtuar a saga, pero para os xogadores máis casuais a sona de Star Wars podería ser o elemento que os levase a adquirir este novo título que promete acadar un rotundo éxito en vendas.