Sony recupera o seu cadelo robot Aibo
xoves, 2 de novembro do 2017
Os robots de lecer Aibo de Sony están de
volta, nunha evolución na que a aparencia conta con máis detalles que xeracións
anteriores para resultar máis expresivos, de xeito que estas mascotas
electrónicas teñen un comportamento cada vez máis semellante ao dun cadelo
real, amosando curiosidade, buscando cariño e, en definitiva, facendo compaña
aos seus donos.
O novo Aibo presenta unha aparencia máis tenra, con trazos propios dun cachorro,
ollos OLED para poder adoptar diferentes expresións e un complexo sistema de
articulacións e sensores que permÃtenlle moverse dun xeito bastante natural.
Este cadelo robótico detecta ordes faladas, sorrisos ou mesmo cando lle rañan
as costas, aprendendo tamén das accións que fan feliz ao seu dono, e aprendendo
tamén do contorno para actuar en consecuencia (mediante cámaras de ollo de pexe
é capaz de mapear o contorno).
O Aibo non só interactúa coa xente, senón que vai madurando paulatinamente grazas á tecnoloxÃa de intelixencia artificial
de Sony, que remata dotando ao robot dunha personalidade de seu. Esta
información recollida polo Aibo pode almacenarse na nube, de xeito que haberá
un grande almacén de datos sobre as interaccións das persoas cos cadelos robot
que converterase en coñecemento acumulado que reverterá nos robots para facelos
cada vez máis intelixentes.
O robot terá unha aplicación móbil que permitirá a súa configuración, asà como
acceder ás fotografÃas que pode disparar o can, e incluso permite xogar co Aibo
dende a propia aplicación, asà como mercar trucos para o cadelo. Algúns dos
servizos asociados ao Aibo serán de pagamento, sendo posible tamén contratar un
servizo de soporte para gozar de mantemento e reparacións a un prezo reducido.
O novo Aibo mide 305 x 293 x 180 milÃmetros, pesa uns 2,2 quilos e pode mercarse no Xapón por 198.000 iens
(1.491 euros).
VÃdeo promocional do novo Aibo