Sintonizadora de televisión para Mac programable a través da Internet

Para converter os Mac en gravadores de televisión existen varias solucións tecnolóxicas, pero o TubeStick Hybrid de Equinux destaca porque a través dun pequeno dispositivo conectable por USB que permite a recepción e gravación de emisións de televisión analóxica (NTSC), HDTV en aberto (ATSC) e de cable dixital (QAM) se pode empregar o servizo TubeStickToGo, de xeito que se poden programas gravacións a través da Internet cando o usuario non está no seu domicilio, e mesmo subilos automaticamente a un almacenamento remoto (por FTP) para a súa visualización nun Mac, iPhone ou iPod Touch.

O TubeStick destaca polo seu software

O TubeStick Hybrid comezará a venderse nos EE.UU. en febreiro, mentres que en Europa xa contamos cunha versión do TubeStick compatible coa TDT que se vende por 39,95 euros, aínda que non permite o acceso ás emisións analóxicas.