Selfly, o dron con cámara que pode levarse na funda do móbil

mércores, 10 de xaneiro do 2018 Marcus Fernández

Os paus de selfie deixaron clara unha cousa: para disparar autorretratos co móbil a distancia é un factor chave. Pero empregar o brazo ou un accesorio forza unha postura incómoda e que non queda natural nas instantáneas, polo que xurdiron varios proxectos de cámaras voadoras para solucionado, entre as que estes días destaca Selfly, dron con cámara que está a financiarse a través de IndieGoGo que verá a luz en poucas semanas e que estes días pode verse no CES de Las Vegas.

Este produto sería un dron de só 9 milímetros que transportaríase nunha funda de smartphone e que pretende venderse a un prezo de 139 dólares (aínda que actualmente ofértase a 109 dólares) coa posibilidade de elixir funda para os smartphones de alta gama máis populares (os iPhone a partires do iPhone 6 e os Samsung Galaxy a partires do S6). A campaña de micromecenado desta cámara voadora xa superou os 1,3 millóns de dólares, e dado que os seus prototipos puideron verse en vivo no CES parece que non estamos ante un caso de fume, como aconteceu con outros produtos semellantes que finalmente non viron a luz nos últimos anos.

A cámara Selfly tería 12 Mpíxeles para fotografías, grava vídeo Full HD, consegue voar de xeito estable, contrólase por Wi-Fi, integra unha batería de 580 mAh e limita o seu grosor e peso a 9 milímetros e 72 gramos, e pretende venderse de xeito ordinario en primavera, cando poderemos comprobar se o concepto de cámara voadora para selfies pode convencer aos consumidores ou queda nunha simple curiosidade tecnolóxica.

A cámara Selfly pode controlarse a través dunha aplicación móbil

Vídeo promocional da cámara Selfly

PUBLICIDADE