Santiago acolle o día 11 unha xornada sobre as cousas que brinda a innovación ao turismo
venres, 4 de maio do 2018
O
Hotel SPA Congreso de Santiago vai acoller o vindeiro 11 de maio unha
cita para afondar nas posibilidades das novas ferramentas de
comunicación e mercadotecnia para o sector hostaleiro e turístico.
Estamos a falar da Xornada
#AEDH_Innova: Turismo e Innovación, que vén da man da
Asociación Española de Directores de Hotel (AEDH) e que responde ao
interese da actividade (un interese que se acrecenta cada ano) por
actualizar ao sector con respecto “aos continuos cambios que o
sector experimenta”. A xornada, de balde, comeza ás 9.00 da mañá
e desenvólvese até as 14 horas. Haberá relatorios sobre novas
propostas tecnolóxicas e porase o foco en pór en contacto a
usuarios profesionais, por unha banda, con expertos no sector de
innovación turística e especialistas en tecnoloxía aplicada, pola
outra.
A
idea é que os primeiros presenten as súas necesidades e demandas e
os segundos fagan propostas sobre como rendibilizar ocupacións,
mellorar a hospitalidade e o servizo ao cliente, optimizar a xestión
de empresa e o tempo dos profesionais, incrementar a satisfacción e
fidelidade dos clientes, coñecer novos produtos e aplicacións
científicas ou xerar novos contactos de negocio. O ciclo de
conferencias abrirase co relatorio de Marta Lois, concelleira de
Turismo do Concello de Santiago de Compostela, á que seguirán as
intervencións de Manuel Vegas Lara, presidente nacional da AEDH, así
como doutros membros da asociación como Isidro Tenorio ou Domènec
Biosca. Clausura a xornada Nava Castro Domínguez, directora Xeral de
Turismo da Xunta de Galicia.
