Samsung presenta un monitor gaming 3D sen lentes

Samsung Electronics anunciou na Gamescom de Colonia os seus novos monitores orientados aos videoxogos, destacando especialmente o novo Odyssey 3D, que ofrece visualización 3D sen lentes grazas ao uso da tecnoloxía de visualización de campo luminoso (LFD) que crea imaxes tridimensionais realistas a partir de contidos 2D mediante unha lente lenticular no panel frontal.
O monitor combina a tecnoloxía LFD con seguimento ocular (mediante unha cámara estéreo integrada) e View Mapping, conseguindo así unha experiencia 3D optimizada sen necesidade de lentes 3D independentes.
O Samsung Odyssey 3D ofrecerase en tamaños de 27 e 37 polgadas, con resolución 4K, un tempo de resposta GTG de 1 milisegundo e unha velocidade de refresco de 165 Hz, polo que é un dispositivo ideal para xogar de xeito fluído. Tamén conta cun soporte regulable en altura, xiro e inclinación, 2 portos HDMI 2.1, 1 porto DisplayPort1.4 e soporta FreeSync Premium Pro.
Polo momento non se coñece o prezo e a data de lanzamento deste revolucionario monitor.