Samsung presenta monitores con funcións de Smart TV
luns, 16 de novembro do 2020
Samsung anunciou o lanzamento mundial do seu novo
Smart Monitor, unha pantalla que quere combinar nun único dispositivo
traballo, aprendizaxe e lecer, para o que conta con grande conectividade para
móbil e PC; facilita o acceso remoto á oficina dende casa e a funcións de aprendizaxe;
e tamén permite gozar de aplicacións propias dun Smart TV.
Temos asà monitores que podemos conectar directamente a un ordenador persoal
mediante cable ou servir de pantalla para smartphones proxectando a súa
pantalla ou utilizando a función de Samsung DeX dos móbiles de alta gama de
Samsung. Pero a cousa non queda aÃ, senón que tamén poden acceder ás
aplicacións de Microsoft 365 sen necesidade dun ordenador persoal (ou sexa, que
o propio monitor serve para editar documentos na nube) e facilita o acceso
remoto a outros equipos.
Un detalle bastante importante deste monitor, de cara a manter un escritorio
ordenado, é que o seu porto USB-C permite datos, visualización e alimentación
(até 65 watts) cunha única conexión.
De cara ao lecer é moi interesante que o propio monitor teña función de Smart
Hub, ou sexa, poida correr aplicacións como Netflix, HBO e Tube, podendo
incluso manexarse mediante o asistente de voz Bixby, converténdose nunha opción
moi atractiva para estudantes ou profesionais que queiran aproveitar o espazo
de traballo para o consumo audiovisual sen precisar do emprego dun ordenador
como dispositivo de reprodución.
Estes novos monitores chegan en 2 modelos: o M7 que ten unha pantalla cun tamaño
de 32 polgadas e resolución 4K, e o M5, con resolución Full HD e tamaños de 32
e 27 polgadas.
Estas pantallas chegarán ao mercado a finais de mes.
- Os Smart Monitor de Samsung permiten gozar de moitas funcións sen a necesidade de ter un PC conectado