Sae á venda RAGE 2

martes, 14 de maio do 2019 Marcus Fernández

O esperado xogo de Bethesda, RAGE 2, por fin está aquí, con versións para Xbox One, PlayStation 4 e PC, convidando aos xogadores a somerxerse no Ermo, un mundo sen regras onde impera a tolemia tras a caída dun asteroide que aniquilou ao 80% da humanidade, levando á poboación a un futuro distópico no que bandas desapiadadas móvense polas estrada s e a tiránica Autoridade quere gobernar aos sobreviventes con man de ferro.
O protagonista do xogo é Walker, o derradeiro ranger do Ermo, que ameaza o poder da Autoridade, e que terá que loitar no nome da xustiza e a liberdade. Neste xogo obra de Avalanche Studios e id Software, teremos trepidantes combates entre vehículos, acción en primeira persoa desbocada e un mundo aberto cheo de posibilidades.
Este xogo post-apocalíptico de mundo aberto e acción en primeira persoa destaca pola súa violencia explícita e descontrolada, que propón «un frenesí de masacres no que poderase visitar calquera sitio, disparar a calquera cousa e voar todo polos aires».

Tráiler de lanzamento de RAGE 2

PUBLICIDADE