Retegal xestionará unha rede de fibra óptica de preto de 1.900 quilómetros
venres, 6 de agosto do 2010
- Núñez Feijoo na rolda de prensa tras o Consello da Xunta
O Consello da Xunta
aprobou na súa reunión de onte o proxecto
de decreto polo que se modifican os estatutos da Sociedade de Redes de
Telecomunicacións Galegas Retegal S.A.
O Decreto 325/2009 do 18
de xuño de Estrutura orgánica dos órganos superiores dependentes da Xunta de
Galicia, atribúe a competencia de planificación e coordinación das funcións
atribuÃdas a Retegal S.A. á SecretarÃa Xeral de Medios e á SecretarÃa Xeral de
Modernización e Innovación Tecnolóxica, quedando establecido un réxime de
colaboración entre os dous órganos superiores dependentes da Presidencia do
Goberno galego.
Por esta razón,
considerouse necesaria a modificación dos estatutos desta sociedade coa
finalidade de adaptar a representación no Consello de Administración aos
titulares dos órganos con competencia en materia de telecomunicacións e
desenvolvemento da sociedade da información, atribuÃndo a presidencia do mesmo
ao titular da S.X. de Modernización e Innovación Tecnolóxica, e a
vicepresidencia ao titular da S.X. de Medios.
Neste contexto, a
modificación do artigo 16 dos estatutos establece tamén que, o Consello de
Administración estará integrado por un número de conselleiros non inferior a
tres nin superior a sete; que a elección destes corresponde á Xunta Xeral de
Accionistas; e que o secretario do Consello será elixido por este a proposta do
seu presidente debendo ser licenciado en dereito.
Retegal pretende ser unha
ferramenta imprescindible que posibilitará colocar á Comunidade galega nun
posto de referencia en canto ás tecnoloxÃas da información e a comunicación
apoiando o impulso ás novas tecnoloxÃas e ao desenvolvemento da Sociedade da
Información no conxunto das polÃticas públicas.
Amais, o Consello da Xunta tamén autorizou
ao operador público Retegal a contratación á empresa Unión Fenosa Redes de
Telecomunicación (UFINET) a ampliación de 800 quilómetros de fibra óptica
por un importe de 12,9 millóns de euros para a implantación da banda larga en
Galicia. Este paso enmárcase na Acción 2 do Plan de Banda Larga (PBL)
2010-2013, que contempla o desenvolvemento das redes troncais e infraestruturas
públicas (fibra óptica, radioenlaces, localizacións) na Comunidade Autónoma.
Para acadar este
obxectivo resulta imprescindible a ampliación da rede de fibra óptica
existente. Para isto instalaranse 800,54 quilómetros de fibra óptica que se
sumarán aos 1.054,81 xa existentes para conformar unha rede de 1.855,35
quilómetros sobre á que se implementarán tecnoloxÃas de última xeración que
permiten a transmisión de datos a unha velocidade de 10 xigas.
Esta actuación dotará á
Comunidade dunha potente rede de telecomunicacións coa tecnoloxÃa máis avanzada
en canto á capacidade de crecemento, calidade, posibilidades de evolución e
maior velocidade de transporte. Deste xeito, a Xunta de Galicia, a través de
Retegal xestionará unha infraestrutura que lle permitirá unha gran capilaridade
para achegar á Rede as zonas máis illadas tecnoloxicamente que ata o de agora
non podÃan acceder aos servizos dixitais máis avanzados.br>Ademais, o desenvolvemento desta infraestrutura
favorecerá a competitividade ao estar á disposición dos operadores privados que
desexen usalo, permitindo acelerar o despregamento da banda larga naquelas
zonas con máis dificultades de acceso.