Resident Evil 6 para PC terá un modo de xogo exclusivo

O modo Sen Piedade será exclusivo para PC

Capcom vén de anunciar que o xogo Resident Evil 6 vai contar cun novo modo de xogo no mes de marzo que podería adquirirse para Xbox 360 e PlayStation 3 por 320 Microsoft Points ou 3,99 euros chamado Asedio e que permitirá participar ata 6 xogadores en 2 equipos (n con criaturas e outro con axentes), pero esta novidade está a quedar en segundo plano ao saberse que o 22 de marzo vai chegar a Europa a agardada versión para PC do xogo, que terá un prezo de 29,99 euros e que compensará a espera deste lanzamento coa incorporación dun modo de xogo exclusivo chamado Sen Piedade e que será unha especie de modo Mercenarios con moitos máis inimigos en pantalla e permitindo participar ata 11 xogadores.
Entre as vantaxes da versión para PC do xogo está que xa incluirá todas as actualizacións das versións para consola, polo que a campaña de Ada Wong estará desbloqueada dende o comezo e a posición da cámara tamén estará corrida, detalles que contribuirán a mellorar a experiencia dun título que para moitos está considerado como unha das grandes decepcións de 2012.

Vídeo de presentación do Modo Asedio de Resident Evil 6