Resident Evil 0 estrea versión en alta definición
mércores, 20 de xaneiro do 2016
O xogo Resident Evil 0
chegou en 2002 a xeito de precuela do Resident
Evil orixinal, estado inicialmente dispoñible só para GameCube e levado a
Wii en 2008, e esta semana, coa alta definición establecida xa en todas as
plataformas domésticas, temos finalmente unha remasterización do xogo, que podemos mercar en formato dixital por
19,99 euros para PC (Steam),
PlayStation
3, PlayStation
4, Xbox
360 e Xbox
One.
Deste xeito, agora podemos redescubrir o misterio que se oculta tras o incidente na mansión (que puño en marcha
os sucesos da saga) cuns gráficos en alta definición, son envolvente 5.1,
opción para gozar dun control modernizado e compatibilidade con televisores
panorámicos.
Nesta aventura tómase o rol da policÃa novata Rebecca Chambers de S.T.A.R.S.,
que acompañada polo condenado por asasinato Billy Coen, vivirá 24 horas moi complicadas
que dan pé a Resident Evil e que
tamén nos achega detalles que enriquecen as tramas de Resident Evil 2 e Resident
Evil 5 (xa que no xogo preséntase ao doutor William Birkin e ao seu
cómplice Albert Wesker).
Tráiler de lanzamento de Resident Evil 0