Recta final para presentarmos webseries ao Carballo Interplay, sétima edición
xoves, 13 de febreiro do 2020
Este
domingo 16 de febreiro remata o prazo para presentar series á
sección oficial do Carballo Interplay, que vai pola súa sétima
edición e que se se celebrará entre o 1 e o 4 de abril deste ano,
coa previsión de repartir máis de 7.000 euros en galardóns.
Segundo informa a organización do Festival de Contidos Dixitais
Carballo Interplay, xa se recibiron, a mediados de febreiro, máis de
150 propostas audiovisuais de todo o mundo a través das plataformas
carballointerplay.com
ou de filmfreeway.
A
organización lembra que as persoas que queiran presentar as súas
propostas á sección oficial poden facelo a través das devanditas
páxinas web. Deben ter en conta que as series poden ser de calquera
duración, temática, xénero, de imaxe real ou de animación,
nacionais ou internacionais, pero deben ser producidas entre os anos
2017 e 2020.
Entre
as achegas audiovisuais recibidas, un xurado composto por
profesionais do sector audiovisual e da cultura, asà como de
representantes de asociacións profesionais relacionadas co sector
premiará a mellor webserie, a mellor webserie
internacional e a mellor webserie en versión orixinal en
galego con 800 euros e trofeo, para cada categorÃa. As escollas do
xurado novo e máis do público levarán 400 euros e trofeo, cada
unha. Tamén haberá un premio á mellor campaña de difusión
online, dotado con 500 euros e trofeo; e un premio ao mellor
guión e outro á mellor dirección, dotados con 200 euros e trofeo.
Finalmente, entregaranse cadanseu trofeo á mellor actriz e ao mellor
actor.
As
webseries producidas en Galicia optan, polo tanto, aos dous premios
de mellor webserie e mellor webserie VO Galego.
A
novidade salientábel desta sétima edición do Carballo Interplay é
o salto cualitativo que dá o premio a proxecto de webserie en
galego, que duplica a súa dotación económica e destinará 3.000
euros para a produción de tres vÃdeos da serie do proxecto
premiado. A data lÃmite para presentarse é o 15 de marzo e os
proxectos deben ser creacións audiovisuais propias e orixinais,
pensadas para seren publicadas e difundidas a través de internet e
mediante capÃtulos, episodios ou partes (como mÃnimo tres), pero
poden ser de imaxe real, animación, stop motion ou técnica
combinada.