Realme estrea televisores na India
luns, 25 de maio do 2020
Seguindo os pasos de fabricantes como Xiaomi, Realme
lanzouse ao mercado dos televisores, cun par de modelos de 32 e 43 polgadas a un prezo de 12.999 e 21.999 rupias
(157 e 266 euros), engadindo máis competencia a un segmento de produtos de
electrónica de consumo que no noso territorio está dominado polos fabricantes
surcoreanos.
Os novos Realme Smart TV son
televisores LED cun marco de só 8,7 milÃmetros, con altofalantes de 24 watts e
un potente procesador de catro núcleos, 1 GB de RAM e 8 GB de almacenamento que
permÃtenlles correr Android TV sen problema, para poder acceder a numerosos
contidos multimedia e tirar proveito do Asistente de Google e de
funcionalidades de Chromecast (para, entre outras cousas, ver na pantalla
contidos seleccionados dende o móbil). O seu sinxelo mando a distancia inclúe
atallos para Netflix, YouTube, Amazon Prime Video e o Asistente de Google,
deixando clara a vocación polos contidos en liña destes televisores que poden
conectarse á Rede por Wi-Fi ou por Ethernet, e que tamén conta con Bluetooth
5.0, un par de portos USB e 3 entradas HDMI.
Ao estarmos ante televisores moi económicos non é de sorprender que o modelo de
32 polgadas teña unha resolución de 1.366 x 768 pÃxeles, mentres que o modelo de
43 polgadas xa serÃa Full HD. Temos asà uns produtos que non buscan competir
directamente cos grandes fabricantes, senón apostar por unha gama de entrada na
que marcas pouco coñecidas teñen aÃnda marxe para seguir no mercado.
- Os televisores de Realme chegan en tamaños de pantalla de 32 e 43 polgadas