Presentan un cargador supostamente alimentado pola enerxía das redes Wi-Fi

Un produto presentado no CES de Las Vegas continúa a dar moito que falar varios días despois, pois o Airnergy Charger de RCA promete ser un cargador externo para alimentar teléfonos móbiles , reprodutores multimedia portátiles e outros dispositivos aproveitando a enerxía das redes Wi-Fi que hai ao redor, o que resulta bastante difícil de crer, principalmente pola reducida potencia destas emisións e polas dificultades de aproveitar eficientemente tal enerxía.
Na demostración pública do produto veuse cómo o trebello completaba a carga dun terminal BlackBerry ao 30% en 90 minutos sen utilizar nada máis que a potencia das redes Wi-Fi ao seu redor (segundo os seus responsables). Esta tecnoloxía podería chegar ao mercado despois do verán, aínda que deberán dar máis detalles sobre o seu funcionamento, pois facendo certas contas podemos deducir que cargar unha batería dun móbil partindo da enerxía no aire podería levar anos e non minutos.

O dispositivo puido verse no CES de Las Vegas