Poñen á venda no Xapón un teclado NFC para smartphones

O teclado pode transportarse de xeito cómodo e compacto

Aínda que nos últimos dispositivos vemos a tecnoloxía NFC como algo ligado a sistemas de pagamento, a identificación de etiquetas ou a transmisión de son sen fíos, a xente de Throwaway decidiu aproveitala para comunicar smartphones con accesorios, comezando por un teclado portátil, que como principal vantaxe tería que para usalo chega con pór un móbil en contacto co mesmo (sen os problemas de emparellamento que hai con dispositivos Bluetooth).
O teclado One2TOUCH xa está dispoñible no Xapón baixo a marca Elecom a un prezo de 18.690 iens (191,84 euros), precisa para funcionar unha aplicación para dispositivos con Android 2.3.4 ou superior, mide 341 x 65 x 8,6 milímetros, pesa 144 gramos e curiosamente funciona cunha batería que duraría uns 18 meses cun uso de 8 horas/día (non podendo descargarse despois).