Óscar Carballo e Paula Taibo gañan a OlimpÃada Informática Galega
luns, 14 de marzo do 2022
O pasado venres pola tarde celebrouse na Facultade de
Informática da Universidade da Coruña, na Escola Superior de EnxeñarÃa en
Informática da Universidade de Vigo e na Escola Técnica Superior de EnxeñarÃa
da Universidade de Santiago a OlimpÃada Informática Galega, organizada polo
Colexio de EnxeñarÃa en Informática de Galicia, as tres universidades públicas
galegas e o Centro de Investigación en TecnoloxÃas da Información e a
Comunicación.
No certame
participaron 17 estudantes (13 rapaces e 4 rapazas) de educación secundaria,
bacharelato e formación profesional de grao medio de toda Galicia,
procedentes de once centros educativos das cidades da Coruña, Ourense, Santiago
e Vigo, pero tamén de localidades como A Estrada, Culleredo, Noia, O Barco de
Valdeorras e O Porriño.
Os gañadores foron: en primeira posición Óscar Carballo
Puebla, natural de Castro de Rei (Lugo), e estudante de formación profesional
do CPR Plurilingüe Liceo La Paz; e no segundo posto Paula Taibo Suárez, de
Culleredo e estudante de 2º de Bacharelato do IES Rego de Trabe do mesmo
municipio coruñés.
Os dous finalistas galegos acudirán á Fase Nacional, que se
celebrará os dÃas 2 e 3 de abril en Madrid. O propósito das probas nacionais é
seleccionar estudantes para participar na OlimpÃada Internacional de
Informática 2022, que este ano terá lugar do 7 ao 14 de agosto en Indonesia.
