Os visores Meta Quest soben de prezo

O prezo actual de compoñentes como os módulos de memoria e as unidades de almacenamento SSD está a provocar un efecto insólito en certos produtos de electrónica de consumo que, anteriormente, baixaban de prezo ao longo do tempo e agora fan xusto o contrario. Así, tras a esaxerada suba de prezo das consolas PlayStation 5, chega agora o anuncio de que os visores de realidade virtual Meta Quest 3 e 3S subirán de prezo o 19 de abril.
A partir do vindeiro domingo o visor Meta Quest 3S, o modelo de entrada lanzado en 2024 a 329,99 euros, pasa a ter un prezo de 359,99 euros para o modelo con 128 GB de almacenamento e de 469 euros para o modelo con 256 GB de almacenamento, mentres que o visor Meta Quest 3, que actualmente ten un prezo de 549,99 con 512 GB de capacidade, pasa a custar 619,99 euros, o que fará que sexa un produto moito menos apetecible (especialmente se temos en conta que antes estaba dispoñible un modelo con 128 GB de almacenamento que custaba 479,99 euros).