Os usarios de Motorpoint.com sitúan ó Hyundai i20 como o mellor coche de 2007

O buscador español Motorpoint deu a coñecer co comezo do ano os resultados da súa proposta para elixir os mellores coches de 2007 mediante votación entre os internautas. O proceso de selección, que segundo indican os responsables da web foi especialmente complicado debido ó gran número de novidades rexistradas no mercado europeo, quedou do seguinte xeito: no primeiro lugar situouse o Hyundai i30 co 52,99% dos votos, seguido do Skoda Fabia con 17,31% e na terceira posición do Ford Mondeo, que foi valorado positivamente polo 16,35% das propostas.
No eido dos vehículos do segmento D, o máis recoñecido foi o Ford Mondeo e no dos todoterreo (4x4), o máis valorado foi o Citroën C-Crosser, que obtivo máis da terceira parte dos votos e case dez puntos máis ca o segundo clasificado. Os motivos do éxito do C-Crosser foron basicamente os seguintes: a súa axeitada suxeición ó terreo, o seu bo comportamento e o confort que achega ós pasaxeiros.