Os televisores de LG poden gozar do xogo na nube de nVIDIA

Cada vez é máis doado atopar xeitos de gozar dos videoxogos a través da nube, e a última proposta chéganos a través de LG, fabricante que chegou a un acordo con nVIDIA para que os seus televisores con webOS (os modelos máis potentes e recentes) conten coa aplicación de GeForce NOW, de xeito que con simplemente a conexión dun mando os usuarios poderán gozar de potentes videoxogos no seu televisor, evitando a necesidade dun potente ordenador ou dunha videoconsola.
Polo momento GeForce NOW para televisores é un servizo en probas que bota a andar esta semana en 80 mercados, achegando ducias de xogos free-to-play, pero facilitando tamén botar partidas a títulos como Rocket League, Destiny 2, Marvel’s Guardians of the Galaxy ou Crysis Remastered Trilogy en Full HD a 60 imaxes por segundo, podendo incluso gozar de gráficos con ray tracing se pagamos polo paquete máis avanzado do servizo.