Os colexios galegos enviaron máis de 3 millóns de mensaxes durante o confinamento a través de TokApp School
luns, 25 de maio do 2020
A
compañía galega TokApp vén de
facer reconto da actividade comunicativa xerada a través da súa
aplicación escolar (TokApp School) durante os meses de confinamento.
Segundo informan os responsábeis da empresa, os colexios da nosa
terra enviaron máis de 3 millóns de mensaxes durante as semanas de
Estado de Alarma e restricións ao presencial por mor da COVID-19 (ou
sexa, dende o 16 de marzo). “A nosa app”, explican, “foi
a ferramenta de comunicación clave para o sistema educativo galego
durante esta crise sanitaria”. No seu balance tamén figura o
seguinte dato destacado: os centros educativos enviaron unha media de
3.500 mensaxes ao día a familias e alumnado a través da plataforma.
Durante
o confinamento, o uso da plataforma chegou a ser até seis veces
superior á súa actividade normal, o que demostra novamente, en
palabras da compañía galega, “a utilidade da tecnoloxía á hora
de comunicarse na contorna educativa”.
Entre
as contribucións máis comúns estiveron o envío e resposta de
deberes e información sobre o confinamento e o coronavirus.
TokApp,
consciente “da necesidade dun sistema de envío de mensaxes seguro
e fiábel nas entidades educativas”, puxo a disposición de todo o
que quixese a plataforma de maneira gratuíta durante 3 meses sen
compromiso. En palabras de Javier Romero, director executivo da
empresa, “sabemos que estamos a vivir unha situación
extraordinaria, por iso quixemos achegar o noso gran de area e
ofrecer a plataforma de balde a todo colexio e entidade que a
necesite”.