Os centros educativos de Arteixo presentan as súas experiencias TIC en EducaTIC
mércores, 18 de xaneiro do 2017
O
Concello de Arteixo abriu onte as portas da segunda
edición do Encontro de Experiencias Arteixo Innovación, educaTIC,
unha xuntanza
da
que falamos os días pasados en Codigo Cero e que vai
destinada a pór de
relevo o potencial das novas tecnoloxías da información en materia
de ensino. Polo que
evento, que se desenvolve até este 19 de xaneiro nas dependencias do
Centro Cívico Cultural, están
a pasar xa os responsábeis das ferramentas dixitais que se
desenvolven nos centros de ensino do termo municipal, tanto en
Infantil como en Primaria, Secundaria, Bacharelato e Formación
Profesional.
As/os
educadores implicadas/os, nestes encontros, amosarán as metodoloxías
de ensino postas en marcha, amais dos obxectivos e froitos acadados.
Esta vertente expositiva complementarase cunha arela marcadamente
formativa: coas dita demostracións daráselle azos á aprendizaxe e
ao intercambio de experiencias.
O
programa, entre outras moitas cousas, inclúe unha mesa redonda na
que participarán os docentes das unitarias de Arteixo de Larín, A
Lagoa e Rorís, que falarán sobre as maneiras de innovar neste tipo
de centros educativos. O encontro tamén contará coas experiencias
de centros como o IES Sabón (os seus docentes falarán sobre a
empresa na aula, baixo o epígrafe Kentucky
Connection e E-MarketPLACE: as TIC es as novas formas de consumo),
o CEIP Arteixo (O
traballo coas novas tecnoloxías no CEIP Arteixo),
o IES Manuel Murguía (Explorando
a realidade aumentada),
o IES Pastoriza (Contornas
de traballo colaborativo. Integración das Google Apps no IES
Pastoriza), o EEI
Barrionovo (Os
dispositivos móbiles e a impresora ·D no EEI Barrionovo)
ou o CEIP San Xosé
Obrero (As
TIC e a Biblio van da man).
Tamén
haberá conferenciantes externos de recoñecido prestixio, como
Leandro Fernández Macho, director de On the Top e de Neurozona, que
falará de como facer para “que os adultos entendan os cerebros
adolescentes”;
Pedro Bermejo Velasco, neurólogo e presidente
da Asociación Española de Neuroeconomía, que abrirá unha xanela á
influencia das novas tecnoloxías nos recursos propios de aprendizaxe
de cada quen; e Raquel Pedrouso, especialista en fornecer procesos de
aprendizaxe en contornos profesionais e educativos, que achegará un
relatorio sobre o ilimitado do poder do noso cerebro.
A
maiores e de maneira
complementaria, haberá unha exposición tecnolóxica emprazada na
sala de exposicións e obradoiros de robótica para nenas e nenos de
6 a 16 anos (Cepillo
robótico o 17 de
xaneiro; Robot
pintor – Lego Mindstorms
o 18 de xaneiro e Canasta
con contador – BBC Microbit
o 19 de xaneiro).