Orbyt Internet TV: nova proposta para achegar a Rede ao televisor
luns, 21 de maio do 2012
O
vindeiro domingo o diario El Mundo e a publicación de información económica Expansión
principian unha promoción no que ofrecen por 99,99 euros+ 5 cupóns (que se
publicarán de luns a venres entre o 28 de maio e o 8 de xuño) un dispositivo
chamado Orbyt Internet TV que está na liña do que moitos fabricantes están
a perseguir nos últimos anos con pouco éxito: achegar a Internet ao televisor.
Estamos ante un dispositivo que pode conectarse ao televisor mediante HDMI ou
vÃdeo composto, que incorpora funcións de sintonización e gravación de TDT de
alta definición e acceso á Rede mediante Wi-Fi N ou Fast Ethernet. O trebello
que funciona con Android 2.3 con soporte de HTML5 e Adobe Flash 10.3, ten 512
Mbytes de RAM e 4 Gb de almacenamento interno, que pode ampliarse mediante
tarxetas SD ou por USB (conta cun total de 3 portos, as que podemos conectar
incluso discos duros externos). Permite a reprodución de vÃdeo ata 1.080p en
moitos formatos (MPEG-2, H.264, MP4, DivX, MKV, AVI e VC-1) e o seu control
realÃzase a través dun mando a distancia cun teclado QWERTY integrado e Airmouse
(de xeito que pode empregarse dun xeito semellante ao mando da Wii).
- O novo dispositivo permite levar os contidos de Orbyt ao televisor
Pero ao levar Orbyt no nome, queda claro que o servizo está pensado para servizos
externos, como pode ser a lectura
no televisor das publicacións da plataforma Orbyt de Unidad Editorial, a
navegación web, o acceso a redes sociais, o uso de distintas aplicacións, a
reprodución de contidos de YouTube (e outras plataformas en liña como Vimeo e
DailyMotion) e incluso o acceso a videoclubs en liña (Filmin, Filmotech, GolTV,
Voddler, Wuaki e Youzee).
Unha interesante proposta que pode indicar o camiño ao que queren ir os
televisores nos vindeiros meses, pero outros non dubidan en cualificar como a recuperación dun concepto que xa
fracasou a mediados dos anos 90, polo que non confÃan nesta proposta que,
pese a presentarse como algo moderno e
innovador, serÃa xusto o contrario.
As posibilidades do Orbyt Internet TV vistas en vÃdeo