Orange anuncia que dá soporte a dispositivos 4G con eSIM
venres, 29 de xuño do 2018
Orange está a anunciar a mellora do seu servizo MultiSIM, co
que o cliente pode compartir o seu número móbil e o bono de datos 4G da súa
liña principal en varios dispositivos, para dar soporte ao estándar
de eSIM aprobado pola GSMA, de xeito que non é preciso introducir unha
tarxeta SIM en certos dispositivos compatibles, que conseguen asà ser máis
compactos.
Polo momento Orange España pon a disposición esta tecnoloxÃa de tarxetas eSIM a clientes particulares,
autónomos e pequenas empresas, adiantándose á competencia, de xeito que os
clientes poderán acudir directamente á súa área de cliente para activar unha
eSIM en calquera momento e lugar, para tela operativa en poucos minutos, grazas
a un proceso de contratación autónomo, áxil e 100% dixital.
Este programa comeza co smartwatch Huawei Watch 2 4G, seguindo asà os pasos do
Gear S2 Classic 3G (co que a compañÃa iniciara
o uso de tarxetas eSIM en 2016), estando previsto que nos vindeiros meses
vaian incorporando máis dispositivos con eSIM ao seu catálogo, o que poderÃa
ser unha grande nova para os seareiros de Apple, xa que até o momento a versión
4G do Apple
Watch Series 3 estaba inédita en España xa que ningún operador se animara a
dar soporte de eSIM, que é a tecnoloxÃa elixida por Apple para permitir que o
seu reloxo de pulso poida operar como se fora un teléfono de xeito independente
a un smartphone (prestación moi atractiva para quen, por exemplo, quere saÃr correr
sen ter que cargar co móbil).