Optoma incorpora ao seu catálogo un proxector de 2.700 lúmens

luns, 26 de novembro do 2012 Marcus Fernández

Os usuarios que queiran gozar dun proxector de vídeo compatible con 3D (mediante un adaptador opcional) e cunha boa luminosidade poden facerse co novo Optoma HD6720, que entre as súas características destaca especialmente por ter un brillo de 2.700 lúmens ANSI. Este proxector DLP ten unha resolución nativa de 1.280 x 720 píxeles (compatible con resolucións de 1.080p, 1.080i, 576p e 480p), pode proxectar unha imaxe de ata 87 polgadas de diagonal a 2,2 metros de distancia e acepta entradas HDMI, VGA, S-Video e vídeo composto. A súa lámpada de 185 W ten unha vida estimada de 4.000 horas de uso, e para poder empregar as súas posibilidades 3D é preciso adquirir o adaptador Optoma 3D-XL, o que o fai compatible co sinal de reprodutores de Blu-ray 3D, consolas de videoxogos (PS3 e Xbox 360) e algún receptor de televisión por satálite. O seu prezo de venda está no contorno dos 820 euros.

O proxector conta cunha completa contectividade

PUBLICIDADE