Ofrecen unha tarifa con 400 GB de datos por 4G

xoves, 4 de outubro do 2018 Marcus Fernández

Dentro das tarifas de datos baseadas no móbil, moi interesantes para negocios que queren gozar de conectividade en mobilidade ou en lugares onde non chega a banda larga fixa, está a sorprender unha compañía burgalesa chamada 4G Sin Fin, que vén de estrear unha tarifa de 400 GB de datos ao mes a través da rede de Yoigo por 90 euros/mes (85 euros/mes os 6 primeiros meses).
Temos así unha interesante opción para negocios ou fogares que queiran compartir esta conexión de banda larga móbil a través dun router 4G ou outro dispositivo, podendo así gozar de velocidades de descarga de até 150 Mbps.
A mesma compañía ten outras ofertas interesantes, como tarifas de 120 e 200 GB/mes a través da rede de Vodafone por 50 e 77 euros respectivamente; ou de 90 GB/mes a través de Orange por 42 euros.
As tarifas de 4G Sin Fin carecen de compromiso de permanencia, agás a nova de 400 GB/mes, que ten unha permanencia de 6 meses.

PUBLICIDADE