O₂ sorprende cunha tarifa móbil con chamadas ilimitadas por 10 euros/mes

Aínda que o operador de baixo custo de Telefónica, O₂, caracterizábase pola simplicidade da súa oferta, parece estar a diversificar a súa oferta cada vez máis, de xeito que xa non se centra unicamente ao seu combinado de fibra e móbil por 50 euros/mes, senón que tamén ten fibra por 38 euros/mes e móbil por 20 euros mes, sumándose a esta última tarifa que inclúe 25 GB de datos unha nova opción que por 10 euros/mes inclúe 5 GB de datos (baixando a velocidade a 64 kbps de superarse o tráfico mensual) incluíndo chamadas ilimitadas a fixos e móbiles estatais, mensaxes de texto ilimitadas e, como vén ser habitual neste tipo de operadores, nin compromiso de permanencia nin penalizacións.
As tarifas de O₂ inclúen conectividade 4G, roaming sen custo adicional na Unión Europea e a posibilidade de contratar adicionalmente o servizo multiSIM (incluíndo soporte para eSIM) e bonos adicionais de datos.
O máis sorprendente desta nova tarifa de O₂ é que o seu equivalente en Tuenti ten un prezo de 14,95 euros/mes, dando a impresión de que Telefónica está a descoidar o que até o momento era a súa marca low-cost de referencia, e que cada día ten menos atractivos para a súa contratación.