O proxecto europeo Spin Up celebrou en Santiago unha xornada de networking
mércores, 25 de novembro do 2020
A
Asociación Área Empresarial do Tambre acolleu este mércores 25, no
seu centro empresarial, unha
xornada de networking transfronteirizo na que participaron
representantes do tecido produtivo galego e portugués e axentes
xeradores de coñecemento avanzado. Organizada pola incubadora de
empresas Uninova, a xornada formou parte das accións do proxecto
europeo Spin Up. O obxecto desta iniciativa, de modalidade mixta
(presencial e virtual) é estimular a creación de empresas a través
da transferencia de tecnoloxía e innovación.
Participan
42 iniciativas emprendedoras de diversas áreas produtivas (agro-bio,
industria alimentaria, industria creativa, Tecnoloxías da
Información e a Comunicación -TIC-, turismo, industria da
transformación 4.0; saúde-envellecemento activo) e 22 empresas
consolidadas. A través de Spin Up, tiveron tiveron a oportunidade de
manter encontros virtuais de networking individuais para
valorar as posibilidades de negocio conxuntas. Os socios portugueses
do proxecto conectáronse tamén telematicamente para seguir a
xornada.
A
Asociación Área Empresarial do Tambre participa no Spin Up,
Programa INTERREG V-A España – Portugal (POCTEP) 2014-2020. Este
proxecto europeo persegue o crecemento integrador a través dunha
cooperación transfronteiriza a favor da competitividade empresarial,
buscando “a promoción do espírito empresarial, facilitando o
aproveitamento económico de novas ideas e impulsando a creación de
novas empresas –spinoffs universitarias
e startups innovadoras– a través da
transferencia de tecnoloxía e coñecemento neste espazo de
cooperación entre universidade e empresa en Galicia e Norte de
Portugal.
Os
socios do proxecto son Uninova (a incubadora de novas empresas de
base tecnolóxica da Universidade de Santiago de Compostela), a
Asociación Área Empresarial do Tambre, o Instituto Galego de
Promoción Económica (IGAPE), a Cámara de Comercio de Santiago, a
Universidade do Porto e a Asociación Nacional de Jóvenes
Empresarios (ANJE).