O historial de navegación de Chrome por fin pode integrarse en Windows 10
martes, 19 de febreiro do 2019
Dende o ano pasado Windows 10 ten unha funcionalidade
chamada Historial de Actividade que facilita o acceso aos programas que
empregamos recentemente, aos documentos que creamos ou modificamos, aos
contidos multimedia que reproducimos... ordenados nunha cronoloxÃa de acceso
rápido tanto premendo na icona correspondente na barra de tarefas como premendo
a combinación de teclas Windows + Tabulador.
Pero esta prestación de Windows 10 está principalmente centrada no sistema
operativo de Microsoft, ou sexa, que para que a nosa actividade en liña se vise
reflectida teriamos que empregar o navegador Microsoft Edge, que non é
precisamente popular, e para salvar tal atranco Microsoft lanzou unha
extensión para Google Chrome chamada Web Activities que rexistra a nosa
actividade en Chrome, o que facilita o acceso ao noso historial de navegación
tanto no Historial de Actividade de Windows 10 como a través do Microsoft Launcher
para Android.