O director do CITIC toma posesión da súa cátedra na área de Ciencia da Computación e IA
luns, 9 de setembro do 2019
O
pasado 5 de setembro desenvolveuse
no paraninfo do Reitorado da Universidade da Coruña o acto de toma
de posesión do director de Centro de Investigación TIC da UDC
(CITIC), Manuel F. González Penedo, como catedrático da área de
Ciencia da Computación e Intelixencia Artificial. González
Penedo inicia deste xeito nunha nova etapa profesional, xunto con
outros cinco catedráticos (catro dos cales pertencen tamén ao
CITIC) e dúas ducias de profesores titulares (dos que 11 forman
parte, tamén, do CITIC).
O
director do CITIC é doutor en Ciencias Físicas pola Universidade de
Santiago de Compostela e exerce como titular de Universidade na
Facultade de Informática da Universidade da Coruña desde 1999.
Ademais, é investigador principal do Grupo de Investigación Visión
Artificial e Recoñecemento de Patróns (VARPA). Destinou gran
esforzo á formación de persoal investigador, participando na
dirección de 13 teses doutorais, a través das cales se estableceron
colaboracións con grupos de investigación estranxeiros. Froito do
seu labor de investigación dirixiu un gran número de proxectos
competitivos. Tamén participou como revisor en numerosas
publicacións internacionais e colabora nun gran número de comités
científico-técnicos en actividades de investigación.
Catedráticos/as
pertencentes ao CITIC:
·
Basilio Bernardo Fraguela Rodríguez, departamento de Enxeñaría de
Computadores
·
Manuel Francisco González Penedo, departamento de Computación
·
María José Martín Santamaría, departamento de Enxeñaría de
Computadores
·
José Antonio Vilar Fernández, departamento de Matemática
Profesores/as
titulares pertencentes ao CITIC:
·
Diego Andrade Canosa, departamento de Enxeñaría de Computadores
·
Susana Ladra González, departamento de Computación
·
Cristian Robert Munteanu, departamento de Computación
·
Marcos Ortega Hortas, departamento de Computación
·
Daniel Rivero Cebrián, departamento de Computación
·
Gabriel Rodríguez Álvarez, departamento de Enxeñaría de
Computadores
·
Miguel Ángel Rodríguez Luaces, departamento de Computación
·
María Noelia Sánchez Maroño, departamento de Computación
·
José Manuel Vázquez Naya, departamento de Computación
·
Ana María Ferreiro Ferreiro, departamento de Matemáticas
·
María Amalia Jácome Pumar, departamento de Matemáticas