O Polo Aeroespacial referenda o seu obxectivo de crear tecido industrial galego avanzado
luns, 18 de xaneiro do 2021
O
vicepresidente
económico e conselleiro de Economía, Francisco Conde, participou no
consello
asesor
da Civil UAVs Initiative para explicar que durante os dous vindeiros
anos desenvolverase unha infraestrutura única,
coa que se pretende avanzar no regulamento do sector a través da
simulación e dun laboratorio 5G. Desta forma, asegurou que “o
principal obxectivo do Polo Aeroespacial de Galicia 2025 é crear
tecido industrial ao redor deste sector”. Ademais, comentou a
importancia da colaboración público-privada desta iniciativa e
afirmou que “se trata dunha infraestrutura única polo seu tamaño,
especialización, equipamento e pola súa capacidade de crecemento”.
Neste
momento, dixo,
o importante é seguir apostando polas empresas na identificación
das liñas tecnolóxicas de interese, aínda que tamén se crearán
novos instrumentos de financiamento para investigacións das
universidades e centros de coñecemento tecnolóxico. No ámbito dos
mercados, desenvolverase un programa de Compra Privada e de
Innovación. Mentres, dende o punto de vista regulamentario
e da seguridade xurídica, farase de Rozas (un dos grandes proxectos
tractores de Galicia) “un lugar de referencia para a
experimentación de novas tecnoloxías”, engadiu
o conselleiro.
Para
esta iniciativa, contarase coa axuda do Centro para o Desenvolvemento
Tecnolóxico e Industrial (CDTI) , ademais da colaboración dun
laboratorio 5G. Así, estímase que todos os proxectos resultantes
poidan ser resolvidos nos dous próximos anos.
En
concreto, o Polo Aeroespacial de Galicia xa mobilizou un investimento
de 164 millóns de euros e executou 59 proxectos de I+D, a parte de
infraestruturas para vehículos aéreos non tripulados. O proxecto
contou co traballo de 800 profesionais de toda España, propiciando a
creación de 5 novas empresas en Galicia. Ademais puxo en macha unha
Business Factory Aero, na que xa se realizaron 19 proxectos
empresariais e identificáronse 430 solucións tecnolóxicas, das que
6 están preparadas para o seu despegue inmediato nos servizos da
Xunta de Galicia.
En
definitiva, o traballo feito e os proxectos que se realizarán,
permiten facer do Polo Aeroespacial de Galicia un proxecto
transxeracional que busca crear a Galicia das vindeiras xeracións
ofrecendo emprego de calidade, empresas competitivas e a
participación da comunidade nas grandes tendencias e retos globais.