O Poco M4 Pro 5G sae á venda por a partir de 199,99 euros

Aproveitando a celebración do 11 de novembro (Día do Solteiro no comercio electrónico chinés) chega o novo Poco M4 Pro 5G, interesante smartphone que funciona cun procesador MediaTek Dimensity 810 acompañado por un modem 5G, con 4/6 GB de memoria LPDDR4X e 64/128 GB de almacenamento UFS 2.2 ampliable mediante tarxetas de até 1 TB, que chegará ao mercado cun prezo promocional de 199,99 euros para a versión con 4 GB de RAM e 64 GB de almacenamento e de 219,99 euros para a versión con 6 GB de RAM e 128 GB de capacidade.
Este teléfono conta cunha Full HD+ de 6,6 polgadas cunha frecuencia de refresco de 90 Hz; a súa cámara traseira ten un sensor principal de 50 Mpíxeles acompañado por un ultra grande angular de 8 Mpíxeles mentres que a cámara frontal é de 16 Mpíxeles; pode desbloquearse mediante sensor de impresións dixitais lateral ou recoñecemento facial por IA; ten altofalantes estéreo e conector para auriculares; integra NFC e emisor de infravermellos; e a súa xenerosa batería de 5.000 mAh (que permitiría reproducir vídeo até 16 horas seguidas) pode cargarse a 33 watts.
Con este tipo de móbiles queda claro que a conectividade 5G, as cámaras traseiras de elevada resolución, as pantallas de alta velocidade de refresco e as baterías xenerosas están ao alcance dos consumidores a prezos cada vez máis axustados.