O MOTO ZN200 mestura estilo e funcionalidade

Motorola non quere perder cota de mercado, e presenta cada día terminais de telefonía móbil máis atractivos e completos, coma o novo MOTO ZN200, que presenta un teclado deslizante, cámara de 2 Mpíxeles, que permite tanto gravar coma reproducir vídeo, navegar pola web e reproducir música cunha calidade máis que aceptable e mesmo recibir radio FM. Inclúe auriculares estéreo, aínda que tamén soporta Bluetooth estéreo.
Ten unha pantalla de 1,9 polgadas (cunha resolución de 176 x 220 píxeles), e unha memoria interna de 30 Mb e externa de ata 2 Gb (mediante tarxetas microSD). Mide 47 x 105 x 15,9 milímetros e o seu peso é de 115 gramos.
Hai que destacar que este terminal está orientado principalmente ao seu uso coma móbil ou reprodutor musical, posto que carece de conectividade 3G. A súa chegada ao mercado europeo agárdase para as vindeiras semanas (xa que está fixado para o 3º trimestre do ano).