O Livestream Broadcaster facilita o streaming de vídeo sen PC

O Livestream Broadcaster pode conectarse directamente a unha videocámara para emitir en directo a través da Rede

Para a retransmisión de eventos en directo a través da Rede é moi popular a plataforma Livestream, que normalmente emprégase conectando unha cámara a un ordenador persoal, e para gañar versatilidade vai contar en breve cunha nova opción: un dispositivo autónomo que custa 495 dólares (375,70 euros) e que facilita as retransmisións en vivo sen un PC.
O Livestream Broadcaster comezará a distribuírse o 31 de maio e consiste nunha caixiña de 122 x 75 x 32 milímetros que opera coa axuda de 3 pilas AA (ou unha toma de alimentación externa), integra conectividade Fast Ethernet e Wi-Fi N, un porto USB (ao que poder conectar un modem 3G/4G) e pode captar imaxes a través de HDMI (e audio mediante un conector de audio de 3,5 milímetros). Este trebello pode controlarse vía web ou a través dunha aplicación para iPhone, e é capaz de converter en tempo real o sinal recibido en vídeo H.264 a 720p (a 2,3 Mbps) e con audio AAC.
As posibilidades deste dispositivo son moitas, pois facilita que o conectemos directamente a unha videocámara (incluso ter rosca para trípode e outros adaptadores), e así aproveitar unha conexión Wi-Fi ou 3G para poder emitir en vivo para todo o mundo cunha calidade moi superior ao que ofrecen outras solucións máis económicas como LiveShell (solución que emprega a plataforma Ustream para emitir, pero cunha resolución de vídeo estándar).