O Huawei Mate 8 aposta por unha pantalla de 6 polgadas

xoves, 26 de novembro do 2015 Marcus Fernández

O Huawei Mate 8 terá prezos de entre 2.999 e 4.399 iuans

A presentación do Xiaomi Redmi Note 3 esta semana parece supor un antes e un despois nos smartphones de gama media de fabricación chinesa, que aproxímanse extraordinariamente á gama alta, o que constatouse agora coa presentación do Huawei Mate 8, un novo tabletófono que tamén conta cunha carcasa metálica e lector de pegadas dixitais na súa parte traseira (que resulta unha posición bastante máis natural que o botón de inicio (xa que ao soster o móbil cunha man é máis doado pasar o dedo polo sensor), aínda que este novo móbil con pantalla Full HD de 6 polgadas ten un rango de prezos moi diferente, movéndose entre os 2.999 e os 4.399 iuans (442 e 648 euros).
O feito de que o novo teléfono de Huawei custe practicamente o triplo que o equivalente de Xiaomi sería con secuencia non só dun maior tamaño de pantalla, ou dunhas prestacións lixeiramente superiores, senón simplemente polos acabados e compoñentes de maior calidade, algo moi difícil de valorar, pero que Huawei coida cada vez máis para desprenderse da súa vella imaxe de fabricante de marca branca.
O Huawei Mate 8 ten un procesador de oito núcleos Kirin 950 con gráfica Mali T880, integra modem LTE de categoría 6 (até 300 Mbps de velocidade de descarga), 3/4 GB de RAM, 32/64/128 GB de almacenamento interno, cámara traseira de 16 Mpóxeles, batería de 4.000 mAh, carcasa de aluminio dispoñible en varias cores (ouro champaña, prata luz de lúa, gris espacial e marrón moca) e sistema operativo Android 6.0. Ou sexa, que dá impresión de que estamos ante unha revisión do Nexus 6p, que polo momento só chegará ao mercado chinés, tendo que agardarse a primeiros do ano que vén para poder velo no resto de mercados.

PUBLICIDADE