O HP Pavillion x2 incorpora un porto USB-C

xoves, 18 de xuño do 2015 Marcus Fernández

Non parece haber dúbida en que os portos USB-C van imporse en poucos anos, e os fabricantes comezan a integralos nos seus equipos, aínda que de xeito paulatino e non tan tallante como o de Apple co novo MacBook, e quen dá ese paso agora é HP cun dos equipos máis atractivos que presentou hoxe, o HP Pavillion x2.
Estamos ante un deses equipos híbridos, que poden separar o teclado do monitor, de xeito que tanto podería comportarse como tableta ou como portátil completo, e podendo incluso xirar a pantalla 180 graos para facilitar un uso táctil no escritorio.
O HP Pavillion x2 é así un dos equipos máis versátiles que podemos atopar a prezos tan axustados, pois este ordenador poderá atoparse a partires do 31 de xullo nos EE.UU. por un prezo que parte dos 299,99 dólares (a data de lanzamento e o prezo para o noso territorio aínda non se coñece). Pero estar ante un ordenador económico con Windows 8.1 non fai que prescinda de prestacións atractivas, de xeito que goza de pantalla IPS de 10,1 polgadas cunha resolución de 1.280 x 800 píxeles (coa que consegue unhas imaxes de grande calidade), un deseño libre de ventiladores (para un uso silencioso) e incluso carcasa en tres cores distintas (vermello, branco ou prata) para elixir o equipo que máis se adapte ao noso estilo.
Estamos ante un equipo que co teclado pesa só 1,125 quilogramos (585 gramos sen teclado), cun grosor de 16,78 milímetros (9,65 milímetros sen o teclado) e cunha autonomía de até 10 horas e 45 minutos, polo que aínda que non sexa o ordenador máis potente do mundo, si resulta moi práctico para o seu uso en mobilidade.
O modelo máis básico funciona cun procesador Intel Z3736F, gráfica Intel HD, 2 GB de RAM, 32 GB de almacenamento interno, webcam de alta definición, saída micro HDMI, 1 porto USB 2.0 ordinario, 1 porto USB-C, Wi-Fi N, Bluetooth, 2 altofalantes B&O PLAY e lector de microSD, podendo ampliarse a súa configuración para contar con 64 GB de almacenamento por 100 dólares adicionais.

O pequeno equipo inclúe portos USB 2.0 de tipo A e C

PUBLICIDADE