O Goberno aproba 98,5 millóns de euros para financiar pemes e emprendimiento innovador
martes, 22 de xuño do 2021
O
Consello de Ministros aprobou este 22 de xuño tres liñas de
financiamento para apoiar a pemes e fomentar o emprendemento que
xestiona ENISA, entidade
dependente do Ministerio de Industria, Comercio e Turismo. En
total serán 98,5 millóns de euros que se distribúen en tres
liñas: Liña ENISA Mozos Emprendedores, Liña ENISA Emprendedores e
Liña ENISA Crecemento. Esta partida permitirá impulsar e fortalecer
máis de 600 proxectos empresariais cun investimento inducido
estimado de arredor de 218 millóns de euros.
O
Ministerio de Industria puxo o foco nos incrementos de cifra con
respecto ao ano 2020, cando o número de operacións aprobadas a
través destas liñas foi de 506, cun investimento de máis de 83
millóns de euros.
A
carteira histórica da entidade pública ascende a máis de 7.000
préstamos desembolsados con máis de 1.100 millóns de euros
investidos e unhas 6.300 empresas financiadas.
Os
préstamos participativos, con importes desde 25.000 a 1.500.000
euros, asignaranse ás diferentes liñas de financiamento destinadas
a emprendedores e pemes, “sen esixir máis garantías que as do
propio proxecto empresarial e un equipo xestor solvente”.
O
Goberno, facendo balance, salienta que algúns dos proxectos
empresariais financiados por ENISA nas súas etapas iniciais ou en
sucesivas fases de expansión experimentaron “unha excelente
traxectoria”, tales como Pastoret, Holaluz, Filmin.es, Privalia,
Scalpers, Glovo, Cuideo, We are Knitters, Cooltra, Fractus ou Lefrik,
entre outras moitas.