O CrunchPad podería chegar no outono

venres, 31 de xullo do 2009 Marcus Fernández

O proxecto para levar ao mercado un Tablet PC a un prezo económico da man do emprendedor Michael Arrington, o CrunchPad, está preto de chegar ao seu fin, e agardan que este dispositivo con pantalla táctil de 12 polgadas, un peso de 1,2 Kg, procesador Intel Atom a 1,6 GHz, 1 Gb de RAM, porto USB (para un teclado ou un rato), Wi-Fi e 3G chegue no outono por 399 dólares (279,96 euros).
De ser así estariamos nun equipo de grande atractivo para navegar pola Rede, ver vídeos de YouTube, escoitar música ou editar documentos, aínda que hai que destacar un detalle que podería todo un atranco para a popularización do dispositivo que está a desenvolver Fusion Garage carece de disco duro, buscando así que os documentos do usuario estean almacenados na Internet.

PUBLICIDADE