O Concello de Teo lanza unha plataforma cidadá de avisos de incidencias
mércores, 7 de novembro do 2018
Esta
semana o Concello de Teo puxo en funcionamento unha ferramenta
tecnolóxica directamente encamiñada a facilitar e axilizar o
mantemento de equipos, infraestruturas e servizos no termo municipal
e á resolución eficaz de incidencias. Trátase
de Teo Avisos, aplicación móbiles que permite, en palabras do
Concello, “unha comunicación directa coas veciñas e veciños”.
En termos concretos, a app permite dar conta ao Concello de
todo tipo de avarías ou problemas de servizo e equipamentos, e
facelo directamente (sen “intermediarios”) dende o lugar no que
se localiza esa avaría ou incidencia.
O
Concello explicou á veciñanza que o funcionamento da ferramenta
móbil é semellante ao do servizo de mensaxes instantáneas
WhatsApp, coa diferenza de que Teo
Avisos “conta cunha tecnoloxía interna diferente que fai
posíbel validar a información, clasificar e xestionar os avisos, e
que os resultados poidan ser catalogados e avaliados por quen a use,
o persoal técnico e responsábeis políticos”. Amais, as
comunicacións ficarán rexistradas, permitíndose facer seguimento
da súa evolución e da resposta que se dá a cada unha delas dende a
Administración local. Na web somos.teo.gal,
como complemento, estará a disposición da veciñanza un mapa con
todas as incidencias abertas no territorio municipal e o estado no
que se atopan.
Para
instalar a app, os residentes en Teo terán que que acceder a
https://somos.teo.gal/app e
descargala. Tamén poderán facelo a través de Google Play ou App
Store e descargala buscando “Somos Teo”.