O Comercio Galego mellora a súa presenza na Rede
mércores, 15 de decembro do 2010
Tal e como no
seu día, os comerciantes galegos tiveron que adaptarse aos tempos e integrar as
TIC aos seus negocios se querían estar no meollo do mercado local (instalando
sistemas de pago con tarxetas, por exemplo), agora saben que se non teñen presenza
na Rede, as garantías de sobrevivir a medio prazo son mínimas por non dicir
escasas.
Para evitar
isto e permitir que os comercios do noso país teñan o seu lugar propio en
Internet, o conselleiro de Economía e Industria, Javier Guerra, vén de asinar
un convenio de colaboración coa Federación Galega de Comercio que permitirá a
posta en marcha dunha campaña que inclúe o desenvolvemento da web do Portal do
Comercio Galego, entre outras cousa
Guerra explicou
que a sinatura deste novo acordo co sector “faise
ao abeiro do plan integral para a dinamización da actividade comercial Ágora-
Agora re-Comercia, que está a coordinar a Dirección Xeral de Comercio”, e
apuntou que “a dinámica de cooperación,
propiciada desde a Consellería de Economía e Industria ten facilitado a
celebración deste acordo, así como o resto das iniciativas que se están a
desenvolver no eido comercial”.
Os principais
obxectivos que persegue este acordo, que tamén inclúe un plan de formación e
información dos comerciantes a través de xornadas e seminarios, é dinamizar o
consumo no noso país e afondar na integración das TIC entre os comerciantes
galegos.
Neste senso, a
páxina de comercio electrónico de Galicia será reformada para facela máis
accesible e funcional, á vez que se desenvolverá un plan de promoción da mesma
para ampliar o formato do comercio electrónico ao conxunto do tecido comercial galego,
tendo moi presentes aos pequenos e medianos comerciantes.
Asemade, esta
iniciativa incluirá unha campaña de posicionamento no buscador Google, que
permitirá que as empresas e comercios galegos saian beneficiados nas procuras
dos potenciais clientes.